Majiyar Tehran-IRNA ta rawaito cewa an ji wata babbar fashewa a kusa da birnin Damascus na kasar Siriya.
A cewar IRNA, kafar yada labaran Qatar ta Aljazeera ba ta bayar da wani karin bayani ba wajen bayyana wannan labari.
A gefe guda kuma, Al Masirah ta ruwaito cewa, kafofin yada labaran Isra'ila sun rawaito Netanyahu ya ce Isra'ila ta kai hari a kusa da fadar shugaban kasa a birnin Damascus a daren jiya.
An kai harin na Isra'ila a nisan mita 400 daga fadar shugaban kasa da ke Damascus.
Har yanzu dai ba a bayyana yanayin harin da aka kai da kuma lokacin da aka kai harin ba.
Harin dai na zuwa ne sa'o'i bayan ministan tsaron Isra'ila Yisrael Katz ya yi wa sabuwar gwamnatin Siriya barazana.
Katz ya ce: "Mun ba da sanarwar gargadi ga shugaban gwamnatin Siriya tare da jaddada cewa idan aka ci gaba da kai hare-hare ga Druze, za mu mayar da martani mai tsanani".
Ya kuma kara da cewa, Isra'ila ta aike da sako karara zuwa Damascus, tare da jaddada alhakin gwamnatin Syria na hana cin zarafi a kan 'yan tsiraru na Druze.
A cewar Katz, "Bayan harin baya-bayan nan da aka kai a yankin Druze a Siriya, ni da firaministan kasar mun ba da umarnin kai hare-haren gargadi kan kungiyoyin masu tsattsauran ra'ayi".
Ministan tsaron Isra'ila, wanda ya bayyana aniyar Tel Aviv na tallafawa Yahudawan Duruzawa, ya ce suna sa ido sosai kan lamarin, kuma za su mayar da martani mai ganin idan aka sake kai hare-haren, kuma gwamnatin Syria ba ta tsoma baki ba.
A halin da ake ciki kuma, rundunar sojin Isra'ila ta sanar da cewa an jibge dakarunta a kudancin Siriya kuma a shirye suke don hana sojojin makiya shiga yankin da kuma kauyukan Druze.
Rundunar sojin Isra'ila ta kuma sanar da cewa dakarunta sun shirya tsaf domin tunkarar al'amura daban-daban a Siriya.
Your Comment